Дар бораи хидматрасонӣ:
Нуқси девораи байни даҳлезии дил (ДМПП). Ҳангоми ин нуқс ба лумани раг катетри махсус ворид намуда, онро ҷониби даҳлези дил ҳаракат медиҳанд. Дар нуги ин катетр як дасгоҳи рез (хурд) дар ҳолати қатшуда қарор дорад, ки онро дар маҳалли нуқс ҷойгир карда, ба шакли "чатр"боз мекунанд. Ин дастгоҳ окклюдер барои дил ном дорад. Аз ҳама шакли паҳнгардидаи ин навъи окклюдер, окклюдери Amplatzer ба шумор меравад. Баъди бозшудан, окклюдер иртиботи даҳлезиро комилан масдуд мекунад ва аз катетри ноқил ҷудо мешавад. Дар баробари ин, бемор бо ҳуш буда, ҳеҷ дард ё нороҳатиро эҳсос намекунад. Дахолати эндоваскулярӣ замони амал ва ниёз ба беҳушии умумӣ ё дармони ҷиддии ҳимоятиро коҳиш медиҳад. Ин маънои онро дорад, ки давраи баъди ҷарроҳӣ пас аз чунин дармони эндоваскулярии осеби қалб, метавонад кӯтоҳтар бошад ва бидуни аворизи ҷиддӣ идома ёбад. Раванди таҳқиқ аз 15 то 40 дақиқа, вобаста ба ҳолати шарёнҳо тӯл мекашад. Ба қиммати таҳқиқ будубоши 3 рӯза дар бемористон шомил мегардад. Одатан беморон баъди ин муоина дар зарфи 2 рӯз аз бемористон мураххас мегарданд ва баъдан ба шакли амбулаторӣ (сарпои) назорат мешаванд.