Азизон,

Ҳамакнун воксини зидди зуккоми Ултрикс дар дастрас аст. 

Шумо  метавонед онро аз дорухонаи Бемористони Ибни Сино бо арзиши 110 сомони дастрас намоед.

Воксини "Ултрикс" маҳлули тазриқи дохилимушакӣ буда, барои пешгирии зукоми мавсимӣ тавсия дода мешавад.

Воксини мазкур дар ду намуд пешниҳод мегардад:

Воксини бидуни моддаи нигаҳдоранда (консервант) барои кӯдакон аз 6 моҳагӣ ва барои наврасону калонсолон бе маҳдудият  ва воксини  дорои моддаи нигаҳдоранда бошад, барои афроди аз синни 18 боло пешбинӣ шудааст.

Воксини "Ултрикс" хусусан барои афроди зерин тавсия дода мешавад:                                                     

- афроде, ки дар маърази хатари мубтало шудан ба зуком (грип) ё олуда кардани дигарон қарор доранд;                                                                                                                         - донишҷӯён;                                                                                                                                                              

    - кормандони муассисҳои тиббӣ ва таълимӣ, нақлиётӣ, коммуналӣ, соҳаи иҷтимоӣ, пулис, низомиён ва ғ.;                                                                                                             

- хонандагони муассисаҳои миёнаи таълимӣ;                                                                                              

- афроде, ки дар маърази хатари беморӣ ва аворизи ношӣ аз зуком қарор доранд;                          

 - афроди аз 60 сола боло;                                                                                                                                      

- афроде, ки бештар аз бемориҳои шадиди танаффусии (респираторӣ) вирусӣ азият мекашанд; 

- афроди мубтало ба бемориҳои музмини ҷисмонӣ (соматикӣ), аз ҷумла бемориҳо ва ноҳанҷориҳои системи дилу раг, системи нафаскашӣ ва асаб, бемориҳои музмини гурда, бемориҳои мубодилаи моддаҳо, диабети қанд, камхунии музмин, бемориҳои аллержӣ ва афроди гирифтор ба вируси норасоии масунияти бадан (ВИЧ);                                     

 - занони ҳомила.